सुनसरी, वैशाख १९: इटहरीमा बसको ठक्करबाट एकजना पैदल यात्रीको मृत्यु भएको छ।
बिहिबार बिहान पश्चिमबाट पूर्वतर्फ जाँदै गरेको ना ६ ख ६६३१ नम्बरको बसले इटहरी ५ मा पैदल यात्री इटहरी ८ का ७२ वर्षीया धनबहादुर भण्डारीलाइ ठक्कर दिएको थियो।
बसको ठक्करबाट गम्भीर घाइते भएका भण्डारीको उपचारका लागि धरानस्थित विपी कोइराला स्वास्थ्य विज्ञान प्रतिष्ठान लैजाँदै गर्दा बाटोमै ज्यान गएको जिल्ला प्रहरी कार्यालय सुनसरीले जनाएको छ ।
