कास्की, फागुन १९ : पोखराको साराङकोटबाट उडेको एउटा प्यराग्लाइडिङ फेवा तालमा खस्दा एककाे मृत्यु भएकाे छ । बयालीस वर्षीया एडे–सिस जेडिआर नाम गरेकी रोमानियाली नागरिकको मृत्यु भएको जिल्ला प्रहरी कार्यालय बैदामका प्रहरी नायव उपरीक्षक कोमल शाहले जानकारी दिए ।
उनलाई फेवातालबाट मोटरबोटसहितको टोलीले उद्धार गरेको थियो । गम्भीर घाइते अवस्थामा उनलाई मेट्रोसिटी अस्पतालमा भर्ना गरिएपछि उपचारका क्रममा ११ः३० बजे मृत्यु भएको बताइएको छ । प्याराग्लाइडिङ अवतरण गर्ने क्रममा हावाको सन्तुलन मिलाउन नसक्दा सिधै तालमा खसेको बताइएको छ ।
