प्रेसरकुकर बम डिस्पोज गर्दा एक घरमा क्षति

रिपोर्ट नेपाल | 2020 Feb 22 | 03:13 pm 2554

बाजुरा, फागुन १०: जिल्लाको सदरमुकाम मार्तडीस्थित जिल्ला प्रहरी कार्यालयलाई लक्षित गरी राखिएको प्रेसरकुकर बम नेपाली सेनाको टोलीले डिस्पोज गरेको छ ।

बम डिस्पोज गर्दा स्थानीय धर्म रोकायाको घर र सोमा घरमा रहेको पिसविन बाजुरा नामक गैरसरकारी संस्थाको कार्यालयमा क्षति पुगेको छ।

बमले सो घरका झ्याल ढोका, एक पिल्लरमा क्षति पुर्याएको छ भने कार्यलयका कम्युटर लगायत केही समानमा क्षति भएको हो ।

शुक्रबार राति पिसविन रहेको घरनजिकै झोलामा बेरेर राखिएको बेवारिसे बम भेटिएको थियो । नेपाली सेनाको बम डिस्पोजल टोलीले शनिबार बिहान डिस्पोज गरेको समरजित गुल्मका गुल्मपति रविन श्रेष्ठले बताए ।

जिल्ला प्रहरी कार्यालय नजिकैको स्थानमा बम भेटिएपछि स्थानीयहरु त्रसित भएका थिए । उक्त स्थानमा बम कसले र किन राखेको हो भन्ने खुल्न सकेको छैन ।

यसबारे थप अनुसन्धान भइरहेको जिल्ला प्रहरी कार्यालय बाजुराका प्रहरी प्रमुख टंकप्रसाद भट्टराईले बताए ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.