काठमाडौं, असोज २१ । फिल्म निर्माता निर्माता सुदर्शन बस्नेत र ज्याक श्रेष्ठको मन्जुरी बिना नेपाली चलचित्र ‘प्रसाद २’ विदेशमा लगेर प्रदर्शन गरेको भन्दै प्रहरीमा उजुरी परेपछि ओएसआर डिजिटलका सञ्चालक ओमप्रकाश अग्रवाललाई प्रहरीले पक्राउ गरेको छ । अग्रवाल पक्राउ परे लगत्तै निर्देशक सुदर्शन थापा र सम्पादक मिलन श्रेष्ठ ‘फरार’ भएका छन् ।
प्रहरीले उनीहरूविरुद्ध ठगी तथा आपराधिक विश्वासघात कसुरमा मुद्दा दर्ता गरी अनुसन्धानका लागि जिल्ला अदालतबाट पक्राउ पुर्जी लिएको जिल्ला प्रहरी परिसर काठमाडाैंका सुचना अधिकारी एसपी कुमोध ढुङ्गेलले जानकारी दिएका छन् । फरार रहेका थापा र श्रेष्ठलाई प्रहरीले खोजि गरिरहेको छ ।
