काठमाडौं, मंसिर १९: गत मंसिर १० गते मंगलबार मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा भर्ना भएका प्रधानमन्त्री केपी शर्मा ओली बिहीबार डिस्चार्ज भएका छन् । मंगलबार नै उनको एपेन्डिसाइटिसको अप्रेसन गरिएको थियो ।
डिस्चार्ज भए पश्चात् उनी बालुवाटारस्थित निवासतर्फ लागेका छन् ।
प्रधानमन्त्री ओली डिस्चार्ज हुनु केहीबेर अघि उनको स्वास्थ्य अवस्था बुझ्न राष्ट्रपति विद्यादेवी भण्डारी अस्पतालमा पुगेकी थिइन् ।
अस्पतालबाट बाहिरिँदै गर्दा प्रधानमन्त्री ओलीले आफू स्वस्थ भएर फर्किएको प्रतिक्रिया दिए ।