काठमाडौँ, भदौ ७ : संवैधानिक परिषद्ले सर्वोच्च अदालतको प्रधानन्यायाधीशमा ओमप्रकाश मिश्रलाई सर्वसम्मत सिफारिस गरेको छ।बिहीबार दिउँसो बसेको संवैधानिक परिषद्को बैठकले कामु प्रधानन्यायाधीश मिश्रलाई प्रधानन्यायाधीशको लागि सिफारिस गरेको हो ।
परिषद्ले वरिष्ठतम्लाई सिफारिस गर्ने चलन भएकाले मिश्रलाई प्रधानन्यायाधीश सिफारीस गरेको हो । अगामी पुससम्म मिश्र प्रधानन्यायाधीश हुनेछन् ।
सर्वोच्च अदालतमा तीन वर्ष न्यायाधीश भइसकेकाहरु मध्येबाट प्रधानन्यायाधीश छान्ने कानुनी व्यवस्था रहेको छ । सर्वोच्च अदालतमा कायममुकायम प्रधानन्यायाधीश ओमप्रकाश मिश्र र चोलेन्द्र समशेर राणा योग्यता पुगेका थिए ।
यसअघि परिषद्ले सिफारिस गरेको दीपकराज जोशीलाई संसदीय विशेष सुनुवाई समितिले अस्वीकार गरेपछि उनी बिदा बसेका छन् । उनी बिदा बसेकाले सर्वोच्चका वरिष्ठतम् न्यायाधीश मिश्र कायममुकायमका रुपमा रहेका छन् ।
