काठमाडौँ ,माघ ०२ / बीपी कोइराला स्वास्थ्य विज्ञान प्रतिष्ठानमा देखिएको समस्या समाधानको लागि प्रधानमन्त्री पुष्पकमल दाहाल ‘प्रचण्ड’ले प्रतिष्ठानको कार्यकारिणी समिति बैठक बोलाएर शिक्षक, कर्मचारी र चिकित्सकका माग सम्बोधन गर्न निर्देशन दिएका छन्।
प्रधानमन्त्री दाहालले स्वास्थ्य तथा जनसङ्ख्यामन्त्री मोहनबहादुर बस्नेत र मुख्यसचिव डा वैकुण्ड अर्याललाई प्रधानमन्त्री निवास बालुवाटार बोलाएर प्रतिष्ठानमा देखिएका समस्या समाधान गर्न निर्देशन दिएका छन्।
प्रधानमन्त्री दाहालले प्रतिष्ठानको पछिल्लो अवस्थाबारे जानकारी लिँदै स्वास्थ्यजस्तो संवेदनशील क्षेत्रको सेवा प्रभावित हुँदा बिरामी र सर्वसाधारणले दुःख पाउने भएकाले यसलाई गम्भीररुपमा लिन निर्देशन दिएका हुन्।
हिजो मात्रै धरान उपमहानगरपालिकाका प्रमुख हर्क साम्पाङले प्रतिष्ठानका निमित्त उपकुलपतिलाई समस्या समाधान गर्न चेतनावनी दिँदै कार्यालमया ताला लगाएका थिए।
