कास्की, वैशाख ५: चन्द नेतृत्वले गरेको बन्दको बेला पोखराका २ ठाउँमा शंकास्पद वस्तु भेटिएको छ।
पोखरास्थित नदीपुर स्थित प्रदेशसभा भवन नजिकै सडकमा कागजको डल्लो बेरेर राखेको अवस्थामा डेटोनेटर भेटिएको थियो ।
त्यसलाई डिस्पोज गर्ने क्रममा डिस्पोजल टोलिका सदस्य कालिभञ्जन गण रत्नमन्दिरका नायक धर्मबहादुर थापा घाइते भएका छन् । उनको हातमा चोट लागेको कास्की प्रहरीका प्रवक्ता डिएसपी रवीन्द्रमान गुरुङले जानकारी दिए ।
यस्तै लेखनाथ स्थित सैनिक बस्तीमा पनि शंकास्पद वस्तु भेटिएको छ । त्यसलाई डिस्पोज गर्नका लागि सेनाको टोली त्यसतर्फ गएको प्रहरी जानकारी दिए । शंकास्पद वस्तुहरु नेकपाका विप्लव समूहले राखेको हुन सक्ने प्रहरीको आशंका छ ।
