पहिरो खसेर बझाङमा १७ घर बगाउँदा ७ जना बेपत्ता

| 2020 Jul 04 | 08:05 am 2282

बझाङ, असार २०ः गएराति अबिरल वर्षासँगै पहिरो खस्दा केदारस्युँ गाउँपालिका वडा नं. ८ मल्लेसको एक बस्तीमा १७ घर बगाएको छ ।

उक्त पहिरोमा परी ७ जना बेपत्ता भएको स्थानीय लोकेन्द्र बिकले बताए ।

बझाङ प्रहरी प्रमुख डिएसपी गणेश बमका अनुसार अहिले घटनास्थल तिर प्रहरी टोली पठाईसकिएको जानकारी दिए ।

बाटो खोला किनारमा भएको र खोलामा अत्यधिक पानी आएर बाटो नभएको कारण प्रहरी घटना स्थल पुग्न समय लाग्ने बताइएको छ ।

घटनाको थप विवरण प्रहरीको टोली उक्त स्थानमा पुगेपछि प्राप्त हुने प्रहरीले जनाएको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.