तनहुँ, असार ९ः निरन्तर परेको अबिरल वर्षाका कारण पृथ्वी राजमार्ग अन्तर्गत तनहुँको आँबुखैरेनी स्थित ऐना पहरा नजिकै पहिरो खसेर सडक पूर्ण रुपले अबरुद्ध भएको छ ।
सडक खुलाउनका लागि अहिले डोजरले पहिरो पन्छ्याउने काम भइरहेको ईलाका प्रहरी कार्यालय आँबुखैरेनीले जानकारी दिएको हो ।
केही दिन देखिको निरन्तर वर्षाका कारण पृथ्वी राजमार्ग अबरुरद्ध हुँदै आएको छ । पहिरोले सडक अबरुद्ध भएपछि गण्डकी प्रदेश तथा अन्य जिल्ला जाने सवारी साधनहरु बीच बाटोमै अलपत्र पर्दै आएका छन् ।
सडक खोल्ने काम तीव्र गतीमा भैरहेको प्रहरीले जनाएको छ ।
