बाग्लुङ, साउन ३१ः गएराति पहिरोले एक घर पुरिँदा बाग्लुङको निसीखोला गाउँपालिका–५ हारीगाउँमा दुई बालकको मृत्यु भएको छ ।
मृत्यु हुनेमा निसीखोला गाउँपालिका–५ कारीगाउँकाका हिराबहादुर विकका १४ वर्षीय छोरा विरेन्द्र विक र नाति ६ वर्षीय प्रवेश विक रहेका छन् ।
शुक्रबार परेको अविरल वर्षासँगै घरमाथिबाट पहिरो खसेको थियो । पहिरोले घर पुरिएको हो । यसैगरी उक्त पहिरोमा परी विककी श्रीमती ५३ वर्षीया विलसरा विक घाइते भएकी छन् ।
पहिरोमा पुरिएकी उनको उद्धार गरी उपचारका लागि झिावाखोला पठाएको निसी प्रहरी चौकीले जनाएको छ ।
शुक्रबार राति साढे दुई बजेको समयमा पहिरो गएको हो । घरको माथिल्लो तला (आँटी)मा सुतेका परिवारका सदस्य भने सकुशलै रहेका छन् ।
