पहिराेका कारण नारायणगढ–मुग्लिन सडक खण्ड पुनः अबरुद्ध

रिपोर्ट नेपाल | 2020 Sep 24 | 08:02 am 2049

चितवन, असाेज ८ः पहिरो खसेर नारायणगढ–मुग्लिन सडक खण्डको चार किलोमा सडक पुनः अबरुद्ध भएको छ । इच्छाकामना गाउँपालिका वडा नम्बर ६ स्थित चार किलोमा बुधबार राति पुनः पहिरो खसेसँगै सडक अबरुद्ध भएको हो ।

राति लेदोसहित पहिरो खसेका कारण सडक अबरुद्ध भएको जिल्ला ट्राफिक कार्यालय चितवनका प्रमुख दयाकृष्ण भट्टले बताए । बुधबार दिउँसो ४ः३० बजे पनि सोहि स्थानमा पहिरो खसेको थियो । पहिरो पन्छाएपछि साँझ ७ बजेदेखि सडक सञ्चालन गरिएको थियो ।

केही दिन यताको निरन्तरको वर्षाका कारण नारायणगढ–मुग्लिन सडक खण्ड र पृथ्वी राजमार्गको ठाउँठाउँमा पहिरो खस्ने क्रम जारी छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.