काठमाडाैं, साउन ३०ः वि.सं. २०६० सालदेखि नै नेपाली सेना र संयुक्त राज्य अमेरिकाको सेनाबीच सञ्चालन हुँदै आएको Ex- Balance Nail विगत सरह नै यस वर्ष उनन्चालिसौँ संस्करण नेपाल सरकार, रक्षा मन्त्रालयको स्वीकृतिमा नेपाली सेनाको श्री सिंह महावीर योजना तथा समन्वय महाशाखा अन्तर्गत रहेका रेञ्जर गणहरू र मित्रराष्ट्र अमेरिकी सेनाको टुकडीबीच मिति २०७९ साउन ३१ गतेदेखि मिति २०७९ भदाै ३१ गते (तदनुसार 16 Aug -16 Sep 2022) सम्म संयुक्त अभ्यास Ex-Balance Nail 22-5530 संचालन हुने भएकाे छ ।
नेपाली सेनाबाट ८० जना तथा अमेरिकी सेनाका १६ जना गरी जम्मा ९६ जना सम्मिलित उक्त संयुक्त तालिम/अभ्यास Law of Armed Conflict (LOAC), Military Decision Making Process (MDMP) लगायतका विषयहरुमा केन्द्रित रही छाउनी र नगरकोट इलाकामा सञ्चालन गर्ने योजना रहेको छ ।
उक्त संयुक्त अभ्यासमा सहभागिताको लागि मित्रराष्ट्र अमेरिकी सेनाको टुकडी Captain Blake Ducatel को कमाण्डमा अभ्यासका लागि आवश्यक पर्ने सैन्य सामग्री सहित मिति २०७९ साउन ३० गते नेपाल आईपुगेको हाे ।
