काठमाडाैं, जेठ २९ः बिहीबार नेपाली बजारकाे इतिहामा सुनको मूल्यले नयाँ रेकर्ड राखेको छ। सुन प्रति तोलाको ८९ हजार ६ सय रुपैयाँ पुगेर नयाँ रेकर्ड कायम गरेको हो। त्यसैगरी तेजावी सुनको मूल्य ८९ हजार १६५ रुपैयाँ कायम गरिएको छ।
यसका साथै चाँदीको मूल्यमा पनि सामान्य वृद्धि भएको छ। चाँदी तोलाको ९ सय ५० रुपैयाँमा कारोबार भइरहेको महासंघले जनाएको छ।
नेपाल सुन चाँदी व्यवसायी महासंघले लकडाउन लागू भएदेखि साढे दुई महिनापछि जेठ २५ गतेबाट सुन-चाँदीको कारोबार पुन: सुरु गरेको थियो। सोही दिन सुन तोलाको ८७ हजार ४ सय र चाँदीको ९ सय २५ रुपैयाँमा कारोबार भएको थियो।
