काठमाडौं, साउन १६ः शुक्रबार नेपालमा २ सय २४ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयले गर्ने नियमित पत्रकार सम्मेलन मार्फत मन्त्रालयका प्रवक्ता डा जागेश्वर गौतमले उक्त विवरणको जानकारी दिएका हुन् ।
पछिल्लो २४ घण्टामा देशका विभिन्न स्थानमा रहेको प्रयोगशालामा गरिएको परीक्षणबाट नयाँ संक्रमित फेला परेका हुन् ।
योसँगै नेपालमा कोरोना संक्रमितको कुल संख्या १९ हजार ७ सय ७१ पुगेको छ। शुक्रबार १ सय ५१ जना डिस्चार्ज भएका छन्। हालसम्म १४ हजार ३ सय ९९ जना निको भएर घर फर्किसकेका छन्।