रसुवा, कात्तिक ४: नेपालमा ओखर उत्पादनमा कमी आएपछि चीनको केरुङबाट १७ करोड ६३ लाख १९ हजार ३ सय ८८ मूल्य बराबरको ओखर आयात भएको छ।
भन्सार प्रमुख पुण्यविक्रम खड्काका अनुसार रसुवागढी नाका हुँदै चीनको केरुङबाट चिनियाँ ओखर २०७४ साउनदेखि २०७६ असोज मसान्तसम्म ७ लाख ५० हजार ८ सय ६८ केजी ओखरको यति रकम उठेको हो।
उनका अनुसार आयात भएको ओखरमध्ये ७२ दशमलव ५२ प्रतिशत अर्थात् ५ लाख ४४ हजार ५ सय ३६ केजी छोडाएको ओखर रहेको छ भने २ लाख ६ हजार ३ सय ३२ केजी ओखर नछोडाएको आयात भएको हो। नेपाल समाचारपत्रबाट
