कास्की, फागुन ६ : पोखरा महानगरपालिका–५ प्रस्याङ डेरा गरी बस्ने मकवानपुर हेटौंडा घर भएका ३२ वर्षीया नरेश लामा र उनकै श्रीमती २५ वर्षीया सरस्वती बलामीलाई नक्कली नोटसहित पक्राउ गरेको छ ।
उनीहरुको साथबाट नेपाली रूपैयाँ १ हजार दरका १९ थान, ल्यापटप र मोबाईलसहित आज सोमबार बिहान प्रहरीले पक्राउ गरेको हो ।
गत माघ २२ गते पोखरा महानगरपालिका–१६ अर्मलाका विभिन्न किराना पसलहरुमा ग.१४ प ३५४ नम्बरको मोटरसाइकलमा आएका उनीहरूले १ हजारको नक्कली नोट दिई रिचार्ज कार्ड लगेर फरार रहेका थिए । यस विषयमा प्रहरीले थप अनुसन्धान गरिरहेको जानकारी दिएको छ ।
