दुई हजार एक सय ३४ नेपाली भारतीय सीमामै

रिपोर्ट नेपाल | 2020 Apr 29 | 07:20 am 1752

काठमाडाैं, बैशाख १७ः नेपाल सरकार र भारत सरकारबीचको दुई पक्षीय छलफलपछि नेपाल सीमा रोकिएका करीव एक सय जना भारतीय नागरिक भारतमा र भारत सीमामा रोकिएका दुई सय ७० जना नेपालीहरू नेपाल फर्किएका छन् ।

त्यस्तैं, अझै पनि भारत सीमामा दुई हजार एक सय ३४ नेपाली रोकिएका छन् भने नेपालमा एकहजार दुई सय ६१ जना भारतीय रोकिएका छन् । दुई देशबीचको छलफलपछि मात्र सीमा रोकिएका नागरिकहरूलाई आ–आफ्नो मुलुकमा फर्काउन सकिने सशस्त्र प्रहरी प्रवक्ता प्रहरी नायव महानिरीक्षक प्रवीनकुमार श्रेष्ठले जानकारी दिए ।

भारतमा कोरोना महामारीको रुपमा फैलिएका कारण सीमा थप कडाईमा स्थानीय जनप्रतिनिधि र सर्वसाधारणको सहभागिता बढाउन सशस्त्र प्रहरी महानिरीक्षक शैलेन्द्र खनालले निर्देशन दिएका छन् ।

प्रहरीको आँखा छल्नेलाई स्थानीयको सहयोगमा नियन्त्रण लिन सकिने दावी उनकाे रहेकाे छ । गाेरखापत्र दैनिकबाट

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.