- महेश सिंह
सिरहा, चैत १ः लहान नगरपालिका –८ मा निःशुल्क रुपमा संचालन भएको तीन महिने आधारभुत कम्प्यूटर तालिम समम्पन्न भएको छ ।
समापन कार्यक्रममा आयोजकबाट तालिमको प्रमाण –पत्र पाएपछि विद्यार्थीहरु खुशिले हर्षित भएका छन् ।
लहान नगरपालिका –८ का वडा सदस्य सुरेश कुमार साहको आयोजनामा संचालन भएको तालिममा ९० जना विद्यार्थीहरुको सक्रिय सहभागिता रहेको थियो ।
वडा सदस्य साहले नगरपालिकाबाट पाएको पारिश्रमिक वापतको रकमबाट तीन महिने निःशुल्क अधारभुत कम्प्यूटर तालिम संचालन गरेका थिए ।
समापन तथा प्रमाण पत्र वितरण कार्यक्रमलाई सम्बोधन गर्दै वडा सदस्य साहले भने – विद्यार्थीको दक्ष सिप विकास तथा ज्ञानको विकासको लागि आफूले पारिश्रमिक रकमबाट तीन महिने अधारभुत कम्प्यूटर तालिम संचालन गरेको उनले बताए ।
उनले विद्यार्थीहरुलाई प्रमाण पत्र वितरण गर्दै सबै विद्यार्थीहरुको उज्जवल भविष्यको कानमा गर्दै सबैलाई शुभ कामना समेत दिएका थिए ।
कम्प्यूटर तालिमको प्रशिक्षक श्याम कुमार महतोले रहेका थिए । प्रमाण पत्र तथा समापन कार्यक्रममा संचारकर्मीहरु रेडियो सरगमका फिरोज शेख नेपाल पोस्ट दैनिकका महेश सिंह, बिरेन्द्र नेपाल, रोहित कुमार मण्डलको समेत उपस्थिति रहेका थिए ।
