तनहुँ, मंसिर ७: तनहुँ क्षेत्र नं २ प्रदेश सभा (क) मा नेकपा एमालेका श्यामराजा महत निर्वाचित भएका छन् । अन्तिम मत परिणाम अनुसार मतहले वाम लोकतान्त्रिक गठबन्धनका उम्मेदवार माओवादी केन्द्रका राजेन्द्र केशरी न्यौपानेलाई १७६६ मतान्तरले पराजित गरेका हुन् ।
कूल ३७ हजार ८२९ मत गणना गर्दा महतले १५ हजार ६६५ मत प्राप्त गरे भने न्यौपानेले १३ हजार ८९९ मत पाएका थिए । २०७४ को निर्वाचनमा यस क्षेत्रमा वामगठबन्धनबाट माओवादी केन्द्रकी आशा कोइराला विजयी भएकी थिइन् ।
