डोटी, कात्तिक १६: डोटीको शिखर नगरपालिका–१, गेरुपानीमा यात्रुवाहक बस दुर्घटना हुँदा एक जनाको मृत्यु भएको छ भने ३० घाइते भएका छन् ।
कञ्चनपुरको महेन्द्रनगरबाट बाजुराका लागि हिँडेको ना ७ ख ६१८१ नम्बरको बस शनिवार बिहान दुर्घटना भएको प्रहरीले जानकारी दिए । दुर्घटनामा ज्यान गुमाउनेको पहिचान खुल्न बाँकी रहेको बताइएको छ ।
दुर्घटनामा अन्य ३० यात्रु घाइते भएको अनुमान प्रहरीले गरेको छ । घाइतेहरुको उद्दार गर्ने क्रम जारी रहेको जिल्ला प्रहरी कार्यालय, डोटीका प्रहरी निरीक्षक केवी वोहराले जानकारी दिए ।
४० जना यात्रु सवार उक्त बस सडकबाट करिब ४० मिटर तल खसेको छ । दुर्घटनाको के कारण भयो त्यो भने पत्ता लागेको छैन । प्रहरीले यसबारे अनुसन्धान गरिरहेको जनाएको छ ।
