रुकुम, साउन २८ : रुकुम पश्चिमको मुसिकोट नगरपालिका १ सल्लेमा रहेको राप्ती समाज अस्पताल तनावग्रस्त भएको छ । उपचारका क्रममा एक जना बिरामीको मृत्यु भएपछि तनावग्रस्त बनेको हो ।
जिल्लाको त्रिवेणी गाउँपालिका वडा नं ९ का वडा सदस्य २७ वर्षीय कमल रावलको आज बिहान मृत्यु भएको थियो । फोक्सोको समस्या भएकापछि उनी उपचारका लागि राप्ती अस्पतालमा भर्ना भएका थिए ।
उनको मृत्यु भएपछि डाक्टरको लापरबाहीका कारण मृत्यु भएको भन्दै आफन्तले शव बुझ्न मानेका छैनन् । अस्पताल तोडफोडपछि अहिले सल्ले तनावग्रस्त रहेको छ ।
