पाल्पा, असोज १५ : ठुली आमालई जबरजस्ती करणी गरेको आरोपमा एक युवक पक्राउ परेका छन् । रैनादेवी छहरा गाउँपालिका १ भुटुके निवासी २८ वर्षीया महिलालाई जबरजस्ती करणी गरेको आरोपमा प्रहरीले पक्राउ गरेको हो ।
आरोपी युवाको आफु ठुलीआमा भएको पीडित महिलाले बताएकी छन । पीडितले खबर गरेपछि प्रहरीले सोमबार युवकको घर गई नियन्त्रणमा लिएको जिल्ला प्रहरी कार्यालय पाल्पाका सुचना अधिकारी डिएसपी बिनोद घिमिरेले बताए ।
‘यो हाडनाता सम्बन्धि जबरजस्ती करणीको मुद्दा हो, यसबारे अहिले केही खुलाउन मिल्दैन, मेडिकल रिपोर्ट आएपछी थप कुरा भन्न सकिन्छ’, घिमिरेले भने, ‘हामी घटनाको बिषयमा गम्भीर रुपबाट अनुसन्धान गरिरहेका छौँ ।‘
