धादिङ, फागुन २५ः मंगलबार धादिङकाे बेनीघाट रोराङ गाउँपालिकामा ट्रक दुर्घटना हुँदा दुई जनाको मृत्यु भएको छ । मृत्यु हुनेमा काभ्रे बनेपा नगरपालिका नालाका चालक ४५ वर्षीय विष्णु घिमिरे र सहचालक २८ वर्षीय सुमन सञ्जेल रहेका छन् ।
लु १ ख ७७६३ नम्बरको ट्रक रुपन्देहीबाट सिमेण्ट लिएर काठमाडौंँतर्फ आउँदै गर्दा त्रिशूली नदीमा खस्दा दुवैको ट्रकले थिचेर मृत्यु भएको र दुर्घटनाबारे अनुसन्धान भइरहेको इलाका प्रहरी कार्यालय गजुरीका प्रहरी निरीक्षक भोजराज पाण्डेयले जानकारी दिए ।