दाङ, मंसिर २२ : ट्याक्टरको ठक्करबाट तुल्सीपुरमा एक बालकको मृत्यु भएको छ । सल्यान छत्रेश्वरी गाउँपालिका–१ सल्यान घर भई हाल तुल्सीपुर–५ रानीजरुवामा बस्दै आएका १२ वर्षीय नवीन वलीको मृत्यु भएको इलाका प्रहरी कार्यालय तुल्सीपुरले जानकारी दिएको छ ।
इलाका प्रहरी कार्यालय तुल्सीपुरका प्रहरी नायब उपरीक्षक प्रेमबहादुर शाहीका अनुसार तुल्सीपुर–८ टिकरीमा लु २ त ४१८७ नं को ट्याक्टरले शुत्रबार राति ठक्कर दिएको थियो । वलीको घटनास्थलमै मृत्यु भएको हो ।
उक्त ट्याक्टर चालक भने फरार रहेका छन् । ठक्कर दिने ट्याक्टर तुल्सीपुर–३ दमारगाउँ जङ्गलमा फेला पारेको प्रहरीले जानकारी दिए । चालकको तीब्र रुपमा खोजी कार्य जारी रहेको बताए ।
