काठमाडौं, चैत १५ः गएराति कलंकीमा टिप्परको ठक्करबाट एक जना पैदलयात्रीको मृत्यु भएको छ । मृतकको परिचय भने खुलेको छैन् ।
शनिबार राति बल्खुबाट थानकोट जाँदै गरेको बा १ ख ५८९३ नम्बरको टिप्परले ठक्कर दिँदा करिब २४–२५ वर्षीय पुरुषको मृत्यु भएको महानगरीय प्रहरी परिसरका प्रवक्ता एसपी रमेश कुमार बस्नेतले जनाकारी दिए ।
कलंकी चोकको जेब्राक्रसबाट बाटो काट्दै गरेका ती युवा टिपरको ठक्करबाट गम्भीर घाइते भएको र उनको उपचारका क्रममा त्रिवि शिक्षण अस्पताल महारजगञ्जमा मृत्यु भएको हो । प्रहरीले ठक्कर दिने टिपर र त्यसका चालकलाई नियन्त्रणमा लिएर थप अनुसन्धान गरिरहेको जनाएको छ ।
