-
तुल मगर
बाजुरा, माघ १९ : देश र जनताका निम्ति दिन रात खट्ने प्रहरी प्रशासनले समाजमा भएका विभिन्न घटनाहरु चोरीडकैती, बाढीपहिरो, आगलागी जस्ता आपतकालिन अवस्थामा सामाजिक उद्धार गर्ने प्रशासनलाई आज समाजले नै उद्धार गर्नु परेको छ ।
बाजुराको जिल्ला प्रहरी कार्यालयमा अचानक आगलागी भएको छ । आज शनिबार बिहान करिब छ बजे प्रहरी कर्मचारीहरु विभिन्न कामका सिलसिलामा बाहिर गएका बेला टिनको छानामा बिजुलीको तार सर्ट भएर आगलागी भएको कार्यालयले जानकारी दिएको छ ।
प्रहरीले रिपोर्ट नेपाललाई दिएको समाचार अनुसार आगलागीबाट एक लाखभन्दा बढीको सामान क्षति भएको जनाएको छ । उक्त प्रहरी कार्यालयको नयाँ भवन निर्माणा गर्दै गरेको हुँदा प्रहरीहरु अस्थायी टहरामा बस्दै आएका थिए ।
कार्यालयमा लागेको आगो कार्यरत प्रहरी जवान र स्थानीय बजारवासीको सक्रियतामा नियन्त्रणमा लिइएको जानकारी दिइएको छ । यस्तो अवस्थामा प्रहरी जनतासँग र जनता प्रहरीसँग एक अर्का प्रति परिपूरक हुनु पर्ने देखिएको छ । आज यो घटनाले पुष्टि गरेर देखाएको छ ।
