दाङ, बैशाख २१ः जबरजस्ती करणी गरेकाे अभियाेगमा एक जनालाई प्रहरीले पक्राउ गरेकाे छ । पक्राउ पर्नेमा दाङ दगिशरण गाउँपालिका ८ चखाैराका २२ वर्षीय सचिन चाैधरी रहेका छन् ।
चाैधरीले शनिबार तुलसीपुर उपमहानगरपालिका वडा नम्बर २ कुइरेपानीस्थित जंगलमा गाई चराउन गएकी दाङ शान्तिनगर गाउँपालिका ४ हिरापुरकी १५ वर्षीया नाम परिवर्तीत कलाई जबरजस्ती करणी गरी फरार भएका थिए ।
उक्त खबर प्राप्त हुनासाथ अस्थायी प्रहरी चाैकी बालापुरबाट प्रहरी टाेली खटी खाेजतलास गर्दा चाैधरीलाई दगिशरण गाउँपालिका ८ चखाैरामा लुकिछिपी भाग्दै गरेकाे अवस्थामा पक्राउ गरेकाे प्रहरीले जानकारी दिएकाे हाे ।
पक्राउ परेका चाैधरीलाई ईलाका प्रहरी कार्यालय तुलसीपुरमा ल्याई मुलुकी अपराध संहिता अन्तरगत २०७४ काे परिच्छेद १८ काे दफा २१९ करणी सम्बन्धी कसुरमा मुद्दा दर्ता गरी आवश्यक कारबाही भइरहेकाे बताइएकाे छ ।
