चोरी तथा हराएको मोटरसाइकल सम्बन्धीत धनीलाई हस्तान्तरण

रिपोर्ट नेपाल | 2020 Jul 05 | 06:18 pm 2098

काठमाडौं, असार २१ः काठमाडौंका विभिन्न स्थानहरुबाट विभिन्न मितिमा चोरी भएका तथा हराएका २० थान मोटरसाइकल प्रहरीले फेला पारी सम्बन्धित धनीहरुलाई बुझाएको छ ।

उक्त मोटरसाइकलहरु यातयात व्यवस्था कार्यालयमार्फत धनीहरु पहिचान गरी आइतबार पत्रकार सम्मेलनमार्फत महानगरीय प्रहरी परिसर काठमाडौंका प्रमुख प्रहरी वरिष्ठ उपरीक्षक श्यामलाल ज्ञवालीले सम्बन्धित मोटरसाइकल धनीहरुलाई हस्तान्तरण गरेका हुन् ।

उक्त मोटरसाइकलहरु हराएको भन्ने निवेदनको आधारमा महानगरीय प्रहरी परिसर काठमाडौंबाट खटिएको प्रहरीले खोजी तथा गस्तीको क्रममा उक्त मोटरसाइकलहरु फेला पारेको हो ।

मोटरसाइकल चोरी कार्यमा संलग्न व्यक्तिहरुको पहिचान तथा खोजी कार्य भइरहेको प्रहरी वरिष्ठ उपरीक्षक ज्ञवालीले हस्तान्तरण कार्यक्रममा बताए ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.