काठमाडौं, फागुन २६ः महानगरीय अपराध महाशाखाले चितुवाको छालासहित दुई जनालाई पक्राउ गरेको छ । पक्राउ पर्नेमा बाग्लुङ निशि खोला गाउँपलिका-३ जिवाखोला घर भई काठमाडौं मनमैजु बस्ने २२ वर्षीय सन्तोष बुढामगर र मोरङ डाँगिआठ गाउँपलिका-३ माझिगाँउ घर भई काठमाडौं लैनचौर बस्ने २८ वर्षीय रञ्जित माझि (माईला) रहेका छन् ।
चितुवाको छाला अवैध रुपमा ओसारपसार तथा बिक्रीबितरण भैरहेको छ भन्ने गोप्य सूचनाको आधारमा महाशाखाबाट खटिएको प्रहरी टोलीले काठमाडौं महानगरपालिका-२ लाजिम्पाट उत्तरढोकाबाट १ थान चितुवाको छालासहित मंगलबार उनीहरुलाई पक्राउ गरेको हो ।
पक्राउ परेका दुबै जनालाई आवश्यक कारबाहीको लागि डिभिजन वन कार्यालय हात्तीसार काठमाडौं पठाइएको उक्त महाशाखाले जनाएको छ ।
