बर्दिया, कात्तिक १६ः चाेरी मुद्दामा फरार रहेका एक अभियुक्तलाई प्रहरीले पक्राउ गरेकाे छ । पक्राउ पर्नेमा बर्दिया वारबर्दिया नगरपालिका-०२ बस्ने योगेन्द्र ज्ञवाली रहेका छन्।
ज्ञवालीलाई सम्मानित बर्दिया जिल्ला अदालत गुलरियाको मिति २०७८/०८/०१ गतेको फैसला आदेशले नकबजनी चोरी मुद्दामा २ वर्ष ९ महिना २ दिन कैद र रू. ३० हजार जरिवाना सजाय तथा जबरजस्ती चोरी उद्योग मुद्धामा १ वर्ष ३ महिना २ दिन कैद र रू.१५ हजार जरिवाना सजाय तोकिएको थियाे ।
फरार प्रतिवादीलाई ईलाका प्रहरी कार्यालय बानियाभार बर्दियाबाट खटिएको प्रहरी टोलीले मिति २०७९/०७/१४ गते बेलुकी लुकिछीपी बसेको अवस्थामा घर वतनबाटै पक्राउ गरी आवश्यक कारबाहीको लागी मिति २०७९/०७/१५ गते सम्मानित बर्दिया जिल्ला अदालत गुलरिया बर्दियामा पेश गरिएकोमा सम्मानित अदालतको आदेशले कैद भुक्तानको लागि कारागार कार्यालय बर्दियामा पठाईएको प्रहरी नायब उपरीक्षक हिक्मत बहादुर बाेहराले बताए।
