दाङ, असोज ७ः महिला सामुदायिक लघुबित्त बित्तीय सस्थाले उद्यम बिकास कार्यक्रम प्रबर्द्धन गरिएका साना तथा मझौला उद्यमी सदस्यहलाई संस्थागत ग्रहक संरक्षण कोष मार्फत ब्यबसाय प्रबर्द्धन लागि अनुदान बितरण गर्न सुरु गरेको छ । सस्थाले बिभिन्न सात जिल्लामा रहेका आफ्ना ग्राहकलाई अनुदान रकम बितरण गर्न सुरु गरेको हो ।
संस्थाले हरेक सदस्यलाई २५ हजारका दरले अनुदान रकम बितरण गर्न सुरु गरेको छ । यसैक्रममा संस्थाले दाङका तीन पालिकामा औपचारिक कार्यक्रम गरेर अनुदान रकम बितरण गरेको छ ।
जिल्लाका दंगीशरण, शान्तिनगर र बबई गाउँपालिकामा रहेका १५ जना सदस्यलाई २५ हजारका दरले रकम बितरण गरेको जनाइएको छ । ब्यबसायमा लागेका तथा ब्यबसायका लागि उद्धत रहेका सदस्यलाई अनुदान रकम बितरण गरिएको संस्थाका प्रमुख कार्यकारी प्रमुख बिमला योगीले जानकारी दिइन् ।
अनुदान रकम बितरण कार्यक्रमलाई सम्बोधन गर्दै बबई गाउँपालिका उपाध्यक्ष साबित्रा बिश्वकर्माले महिलाको नेतृत्व र क्षमता बिकासका लागि महिला सामुदायिक लघुबित्त बित्तीय सस्थाले महत्वपुर्ण भूमिका खेलेको बताएका थिइन् ।
सस्थाका कार्यकारी प्रमुख योगीले कार्यक्रमको बिषय तथा स्वागतबाट सुरु भएको कार्यक्रममा दंगीशरण गाउँपालिकाका अध्यक्ष भागीराम चौधरी, उपाध्यक्ष पिमा खड्का, शान्तिनगर गाउँपालिका ३ का वडाध्यक्ष बुद्धिराम तिवारी, वडा नम्बर ४ का वडाध्यक्ष धनबहादुर केसीले मन्तब्य राखेका थिए ।
सस्थाका अध्यक्ष गीता गिरीको अध्यक्षतामा भएको कार्यक्रमको सहजीकरण लघुबित्त बित्तीय सस्थाका जिल्ला संयोजक अर्निल गिरीले गरेका थिए ।
