गोंगबु नयाँ बसपार्क क्षेत्रबाट ७३ जना प्रहरी नियन्त्रणमा

रिपोर्ट नेपाल | 2020 Feb 02 | 11:56 am 1356

काठमाडौं, माघ १९ अनैतिक क्रियाकलापमा संलग्न रहेका ७३ जनालाई प्रहरीले नयाँ बसपार्क क्षेत्रबाट नियन्त्रणमा लिएको छ ।

गोंगबु नयाँ बसपार्क क्षेत्रमा गएराति सञ्चालन गरेको स्विप अपरेसनका क्रममा ७३ जनालाई नियन्त्रणमा लिएको हो । पक्राउ पर्नेमा ३७ पुरुष, ३२ महिला र ४ तेस्रोलिंगी रहेको प्रहरीले जानकारी दिएको छ ।

महानगरीय प्रहरी वृत्त महाराजगञ्जका अनुसार, लागूऔषध दुर्व्यसनी, वेश्यावृत्ति र मापदण्डविपरीत व्यापार व्यवसाय सञ्चालनमा संलग्न रहेको भेटिएपछि उनीहरूलाई नियन्त्रणमा लिइएको बताइएको हो ।

पक्राउ परेकामाथि थप अनुसन्धान भइरहेको महाराजगञ्जका डीएसपी उमेश लम्सालले बताए ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.