मकवानपुर, साउन २७: मकवानपुर जिल्लाको मनहरी गाउँपालिका ७ मनहरी चेकपोष्टमा चेकजाँच गर्ने क्रममा चितवनबाट हेटौडातर्फ जाँदै गरेको ना ४ ख २९३ नम्बरको कन्टेनरमा रहेको १ सय १३ किलो लागूऔषध गाँजा सहित कन्टेनर चालक चितवन राप्ती नगरपालिका १ बस्ने ४१ वर्षीय विष्णुभक्त श्रेष्ठलाई आज आइतबार प्रहरीले पक्राउ गरेको छ ।
रिपोर्ट नेपाललाई प्राप्त समाचार अनुसार कन्टेनर जाँच गर्ने क्रममा ठूलो परिमाणमा गाँजा बरामद भएपछि कन्टेनर र चालकलाई प्रहरीले नियन्त्रणमा लिएको हो ।
यस सम्बन्धमा प्रहरीले आवश्यक अनुसन्धान गरिरहेको जानकारी दिएका छन् ।
