खोलाले बगाएको बालकको एपीएफ टोलीद्वारा जिवितै उद्वार तथा गाँजा बरामद

| 2020 May 15 | 09:01 pm 1606

झापा, जेठ २ः जिल्लाको बिर्तामोड नगरपालिका ७ खालवाडी स्थित देउनिया खोलामा बगेका एक बालकको एपीएफ टोलीले जीवितै उद्वार गरेको छ ।

सशस्त्र प्रहरी बल नेपाल सुरक्षा वेश गोलधापबाट डियुटीमा खटिएको एपीएफ टोलीले उक्त बालकलाई खोलामा बग्दै गरेको अवस्थामा देखेपछि तत्कालै जिवितै उद्वार गरेको हो ।

ती बालक सोही ठाउँका ३ बर्षीय बिष्णु ठटाल रहेका छन् । उद्धारपछि एपीएफ टोलीले ती बालकलाई परिवारको जिम्मा लगाएको छ ।

एपीएफ टोलीद्वारा गाँजा बरामद

पर्सा जिल्लाको ठोरी गाउँपालिका ४ स्थित शिकारीबास जंगलबाट एपीएफ टोलीले करीव १५ किलाे गाँजा बरामद गरेको छ ।

सशस्त्र प्रहरी बल नेपाल बोर्डर आउट पोष्ट सुवर्णपुरबाट खटिएको एपीएफ टोलीले उक्त गाँजा बरामद गरेको हो ।

उक्त गाँजा ल्याउँने व्यक्तिहरुले गस्तीमा रहेको एपीएफ टोलीलाई टाढैबाट देख्नासाथै गाँजा फाली फरार भएका थिए ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.