रुपन्देही, साउन २०ः देवदहस्थित क्वारेन्टिनमा खटीएका एक सुरक्षा गार्डले आफ्नै शरीरमा मट्टीतेल खन्याएर आगो लगाई आत्मदाह गरेका छन् ।
मंगलबार बिहान देवदह–५ मितेरी टोलका २४ वर्षका विपिन बस्यालले करिब ३ बजेतिर शरीरमा मट्टीतेल खन्याएर आगो लगाएका हुन् ।
आगोले जलेर गम्भीर घाइते भएका उनलाई पाल्पा मिसन अस्ताल लैजाने क्रममा बुटवलमा मृत्यु भएको प्रहरीले जनाएको छ । उनले के कारणले आत्महत्या गरे भन्ने खुल्न भने सकेको छैन ।
यस घटनाबारे अनुसन्धान अघि बढाइएको प्रहरीले जानकारी दिएको छ ।