किशोरी हत्या प्रकरण : कञ्चनपुरको सिडिओ र एसपी हटायो

रिपोर्ट नेपाल | 2018 Aug 23 | 06:17 pm 2277

काठमाडौँ, भदौ ७ :  किशोरीको बलात्कारपछि हत्या घटनालाई लिएर तनाव बढ्दै गएपछि कञ्चनपुरको प्रमुख जिल्ला अधिकारी (सिडिओ) र जिल्ला प्रहरी प्रमुख (एसपी) लाई सरुवा गरेकाे छ ।  प्रमुख जिल्ला अधिकारी कुमारबहादुर खड्का र एसपीदिल्लीराज विष्टलाई गृहमन्त्रलयाले सरुवा गरेकाे हो।

सिडिओ खड्का ठाउँमा तारानाथ अधिकारी पठाइएको छ भने, एसपी विष्टको ठाउँमा कुबेर कठायतलाई पठाइएको छ। यस्तै डीएसपी ज्ञानबहादुर सेठीलाई पनि प्रहरी प्रधान कार्यालय काठमाडौं झिकाइएको छ ।

गत सोमबार प्रहरीले मानसिक सन्तुलन ठिक नभएका एक जनालाई हत्याको अभियुक्त भन्दै सार्वजनिक गरेपछि स्थानीयस्तरमा आक्रोश चुलिएको छ। दैनिक प्रदर्शन भइरहेको छ भने बजार तथा सवारी बन्द छ। बिहीबार प्रहरीले चलाएको गोली लागी चार जना घाइते भएका छन्।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.