कालिकाेट, जेठ २५ । सडकमा रोकिराखेको एक जीप आफै गुडेर दुर्घटना हुँदा दुई जनाको मृत्यु भएको छ भने एक जना गम्भीर घाइते भएका छन्। प्राप्त समाचार अनुसार चालक नभएको अवस्थामा ग ३ च ४६१० नम्बरको वोलेरो सडकमा आफै गुडेकाे थियाे ।
दुर्घटनामा रास्कोट-१ का ४३ वर्षीय मनबहादुर शाही र ३६ वर्षीया मन कुमारी शाहीको मृत्यु भएको कालिकोट प्रहरी प्रमुख डीएसपी जयश्वर रिमालले जानकारी दिए। घाइते रिता कुमारी शाहीको अवस्था चिन्ताजनक रहेको छ।
