काठमाडौं, चैत ६ : महानगरिय ट्राफिक प्रहरी महाशाखाका अनुसार उपत्यकामा पछिल्लो २४ घन्टामा ट्राफिक नियम विभिन्न किसिमले उल्लंघन गर्ने १ हजार ५ सय ४ जना सवारी चालक कारवाहीमा परेका छन्।
जथाभावि पार्किङ गर्ने १ सय १७, लेन मिचेर चलाउने २ सय १८, मादक पदार्थ सेवन गरी चलाउने ३४, जेब्राक्रसमा रोक्ने ३५, निषेधित स्थानमा हर्न बजाउने ४९, अवस्था ठिक नभएको सवारी चलाउने ४० र ढोका खुला राखेर चलाउने ४३ जना चालक कारवाहीमा परेको प्रहरीले जनाएको छ।
मंगलबार विभिन्न शीर्षकमा गरिएको कारबाहीबाट ११ लाख, ५ सय रुपैयाँ राजश्व संकलन भएको छ।
