बुटवल, भदौ १ : कार बृद्धि गरेको विरोधमा प्रमुख प्रतिपक्षी दल नेपाली कांग्रेसले विरोध गर्दै प्रदर्शन गरेको छ । केन्द्र, प्रदेश र स्थानीय तहले बढाएको करको बिरोधमा पाँच नम्बर प्रदेशको राजधानी बुटवलमा काँग्रेसले प्रर्दशन गरेको हो ।
साग विक्रेता देखि विद्यार्थी समेतलाई कर लगाएपछि सर्वसाधारणहरु मर्कामा परेपछि प्रदर्शनमा उत्रिनुपरेको नेपाली काँग्रेस बुटवल उपमहानगरापलिकाका सभापति खेलराज पाण्डेयले बताए ।
प्रदर्शनपछि काँग्रेस नेताहरुले बुटवल उपमहानगरपालिका पुगेर ज्ञापन पत्र बुझाएका छन् । केहीबेर प्रर्दशन गरेपछि नेताहरुले कर बृद्धि फिर्ता लिन माग गर्दै उपमहानगरपालिकाका प्रमुख शिवराज सुवेदीलाई ज्ञापन पत्र बुझाएका हुन् ।
बुटवलको अस्पताल लाइनमा भेला भएका काग्रेस नेता कार्यकर्ता र शुभेच्छुकहरु नारा जुलुस गर्दै बुटवल उपमहानगरपालिका पुगेका थिए ।
