भद्रपुर,भदौ २८ : दमकका कपडा व्यवसायी खेमराज पौडेलको हत्या विरोधमा दुई दिनदेखि गौरीगञ्ज बजार बन्द भएको छ ।
उद्योग वाणिज्य सङ्घ गौरीगञ्जले दोषीलाई कडाभन्दा कडा कारवाहीको माग गर्दैै बुधबार र बिहीबार बजार बन्द गराएको हो । गौरीगञ्ज गाउँपालिका–६ बस्ने सद्वाम हुसेनले व्यवसायी खेमराज पौडेललाई भदौ २६ गते सोमबार हत्या गरेका थिए ।
हुसेनलाई जिल्ला प्रहरी कार्यालय झापाले हिरासतमा लिएर प्रहरीले अनुसन्धान गरिरहेको छ । दमक उद्योग वाणिज्य सङ्घले पनि पौडेलेको हत्या विरोधमा आज मौन जुलुस प्रदर्शन गरेको छ ।
