काठमाडाैं, असोज १६ । १९औं एसियाली खेलकुद अन्तर्गत पुरुष क्रिकेटको क्वार्टरफाइनलमा भारतले नेपाललाई २ सय ३ रनको लक्ष्य दिएको छ ।
टस टिजेर पहिले ब्याटिङ गरेको भारतले निर्धारित २० ओभरमा चार विकेटको क्षतिमा २ सय २ रन बनाएको हो ।
भारतको तर्फबाट यशस्वी जैसवालले सय रनको उत्कृष्ट पारी खेलेका थिए । उनले ४९ बलमा आठ चौका र सात छक्का जोडेर सय रन बनाए। आइपीएलका चर्चित खेलाडी रिन्कु सिंहले अविजित ३७, कप्तान रुतुराज गायकवाडले २५ र शिवम् दुवेले अविजित २५ रन बनाएका थिए ।
नेपालका दीपेन्द्रसिंह ऐरीले दुई विकेट लिए भने सोमपाल कामी, सन्दीप लामिछाने एक एक विकेट लिए ।
