सप्तरी, जेठ ६ः जिल्लाको तिलाठी कोईलाडी गाउँपालिका ४ स्थित चट्टी टोलबाट एपीएफ टोलीले चोरीपैठारीको १२ बोरा सुर्ती बरामद गरेको छ ।
तीन वटा मोटरसाईकलमा राखेर ल्याउदै गरेको उक्त सुर्ती सशस्त्र प्रहरी बल नेपाल बोर्डर आउट पोष्ट बर्साईनीबाट खटिएको एपीएफ टोलीले बरामद गरेको हो ।
एपीएफ टोलीले सुर्ती ल्याउँन प्रयोग भएको उक्त तीन वटै मोटरसाईकल समेत बरामद गरेको छ । बरामद सुर्ती तथा मोटरसाईकल एपीएफ टोलीले भन्सार कार्यालय राजबिराजमा बुझाएको छ ।
यसैगरी सशस्त्र प्रहरी बल नेपाल बोर्डर आउट पोष्ट गुठिप्रसौनीबाट खटिएको एपीएफ टोलीले करीव एक लाख २९ हजार रुपैयाँ बराबरको
चोरीपैठारीको सामान बरामद गरेको छ ।
चोरीपैठारीगरी नेपाल ल्याएर लुकाई छिपाई राखेको अवस्थामा उल्लेखित मुल्य बराबरको ५ सय ४ किलाे धानको बिउ, २ सय ५० किलाे युरिया मल र ३ बोरा किटनासक औषधि एपीएफ टोलीले पश्चिम नवलपरासी जिल्लाको प्रतापुर गाउँपालिका ५ मटरा स्थित सीमा ईलाकाबाट बरामद गरेको हो ।
बरामद सामान भन्सार कार्यालय महेशपुरमा बुझाईएको छ ।
सालको गोलिया काठ बरामद
पर्सा जिल्लाको वीरगंज महानगरपालिका २९ स्थित रतनपुर ईलाकाबाट एपीएफ टोली, नेपाल प्रहरी र सब डिभिजन वन कार्यालय सबैयाको कर्मचारीले करीव सालको गोलिया काठ बरामद गरेको छ ।
सोही ठाउँमा रहेको जंगलबाट कटान गरी ल्याउँदै गरेको अवस्थामा २४ क्यूफिट सालको गोलिया काठ सशस्त्र प्रहरी बल नेपाल सुरक्षा वेश वेलवाबाट खटिएको एपीएफ टोली, नेपाल प्रहरी र वन कार्यालयको कर्मचारीले बरामद गरेको हो ।
बरामद काठ सव डिभिजन वन कार्यालय सबैयामा बुझाईएको छ ।