पर्सा, भदौ २ः जिल्लाको जगरनाथपुर गाउँपालिका २ दसौता स्थित सीमा ईलाकाबाट मंगलबार एपीएफ टोलीले करीव २० किलो चरेश बरामद गरेको छ ।
नेपालबाट भारततर्फ लैजाँदै गरेको उक्त चरेश सशस्त्र प्रहरी बल, नेपाल बोर्डर आउट पोष्ट भिखमपुरबाट खटिएको एपीएफ टोलीले बरामद गरेको हो ।
उक्त चरेश लौजाने व्यक्ति गस्तीमा खटिएको एपीएफ टोलीलाई टाढैबाट देख्नासाथै सो चरेश छाडी भागी फरार भएका थिए ।
बरामद चरेश स्थानीय प्रहरीमा बुझाईएको छ ।
चोरीपैठारीको सामान बरामद
झापा जिल्लाको मेचीनगर नगरपालिका ५ स्थित नक्कलबन्द सीमा ईलाकाबाट एपीएफ टोलीले करीव छ लाख ९० हजार रुपैयाँ बराबरको अवैध सामान बरामद गरेको छ ।
उक्त ठाउँमा लुकाई छिपाई राखेको उल्लेखित मुल्य बराबरको किराना सामान, युरिया मल र विभिन्न किसिमका औषधी सशस्त्र प्रहरी बल, नेपाल सुरक्षा वेश नक्कलबन्दबाट खटिएको एपीएफ टोलीले बरामद गरेको हो ।
बरामद सामान मेची भन्सार कार्यालय काँकडभिट्टामा बुझाईएको छ ।
यसैगरी धनुषा जिल्लाको धनौजी गाउँपालिका ४ तरही स्थित सीमा ईलाकाबाट एपीएफ टोलीले करीव एक लाख ८७ हजार रुपैयाँ बराबरको चोरीपैठारीको सामान बरामद गरेको छ ।
ज १० प २७०३ नम्बरको मोटरसाईलकमा राखी भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको सुर्तीजन्य पदार्थ र लत्ताकपडा सशस्त्र प्रहरी बल, नेपाल नम्बर ८ गण धनुषाबाट खटिएको एपीएफ टोलीले बरामद गरेको हो ।
एपीएफ टोलीले त्यसवेला सामान ल्याउन प्रयोग भएको उक्त मोटरसाईकल समेत बरामद गरेको छ ।
बरामद सामान तथा उक्त मोटरसाईकल जनकपुर भन्सार कार्यालयमा बुझाईएको छ ।
यसैगरी सशस्त्र प्रहरी बल, नेपाल नम्बर ३५ गण कञ्चनपुरबाट खटिएको एपीएफ टोलीले करीव एक लाख ७६ हजार रुपैयाँ बराबरको मोवाईलको पार्ट्स बरामद गरेको छ ।
बेवारिसे अवस्थामा रहेको उक्त मोवाईलको पार्ट्स एपीएफ टोलीले कञ्चनपुर जिल्लाको भिमदत्त नगरपालिका ६ बनगाउँ ईलाकाबाट बरामद गरेको हो ।
बरामद सामान भन्सार कार्यालय कञ्चनपुरमा बुझाईएको छ ।
सालको गोलिया काठ बरामद
झापा जिल्लाको अर्जुनधारा नगरपालिका ३ सुखानी खोलाको बगरबाट एपीएफ टोलीले करीव ४१ क्यूफिट सालको गोलिया काठ बरामद गरेको छ ।
सोही ठाउँमा लुकाई छिपाई राखेको अवस्थामा उक्त सालको गोलिया काठ सशस्त्र प्रहरी बल, नेपाल सुरक्षा वेश दानाबारीबाट खटिएको एपीएफ टोलीले बरामद गरेको हो ।
बरामद काठ सव डिभिजन वन कार्यालय माईमा बुझाईएको छ ।