झापा , जेठ ९: बुधवार राति मेचीनगर नगरपालिका–१० धुलाबारीमाखअज्ञात व्यक्तिबाट एक महिलामाथि धारिलो हतियार प्रहार भएको छ । उक्त धारिलो हतियार प्रहारबाट ४१ वर्षीया आरती चौहान (बुढाथोकी) गम्भीर घाइते भएकी छन् ।
आरती घरमा सुतीरहेका बेला दुई अपरिचित व्यक्तिले धारिलो हतियार टाउकोमा प्रहार गरी हत्या गर्न खोजिएको इलाका प्रहरी कार्यालय काँकरभिट्टाले जनाएको छ ।
उनीसँगै ७ वर्षीया छोरी पनि सुतेकी थिइन् । राति विद्युत नभएको र पानी परेको समय पारी कोठमा प्रवेश गरेका २ जनाले अरुलाई भनिस् भने मार्नेसमेत धम्की दिएको छोरीले बताएकी छन् ।
उक्त घटना बिहीबार बिहान स्थानीयले थाहा पाएपछि मात्र प्रहरीलाई खबर गरेका थिए । घाइते आरतीको बिर्तामोडको एक अस्पतालमा उपचार भइरहेको स्थानीय गोकुल हुमागाईंले बताए । प्रहरीले ती धारीलाे हतिायर प्रहार गर्ने अज्ञात व्यक्तिहरुको खोजिकार्य शुरु गरेको छ ।
