उदयपुर, पुस ३ः गएराती उदयपुरकाे चौदण्डीगढी नगरपालिका ९ हडियाको मुसहर्नीयामा आगलागी भएकाे छ । आगलागीबाट स्थानीय हरिबहादुर बस्नेतको घर र ग्वालीगोठ जलेर लाखौ मुल्यको धनमाल जलेर नष्ट भएको जिल्ला प्रहरी कार्यालय उदयपुरले जानकारी दिएकाे हाे ।
आगलागीमा परी बस्नेतकाे ४ वटा खसी र बाख्रा, ५० मुरी धानसंगै अन्य लत्ताकपडा भाडावर्तनसहित १० लाख मूल्य बरावरको सम्पत्ति जलेर नष्ट भएको प्रहरी चौकी हडियाले जनाएको छ ।
आगोलाई चौदण्डीगढी र त्रियुगा नगरपालिकाको वारुणयन्त्रले लामाे समयपछि नियन्त्रणमा लिएको थियाे ।
