काठमाडौं, असोज ११ । राष्ट्रपति रामचन्द्र पौडेलले सर्वसाधारणलाई सास्ती हुने भन्दै इन्द्रजात्रामा सहभागी हुन हिँडेरै जात्रास्थलमा पुगेका छन् । इन्द्रजात्रामा राष्ट्रप्रमुख हिँडेर पुगेको यो पहिलो पटक हो ।
हनुमानढोका वसन्तपुरबाट सुरु हुने इन्द्रजात्रामा सहभागी हुन राष्ट्रपति पौडेल जुद्ध शालिकमै गाडीबाट ओर्लेर हिँड्दै पुगेको राष्ट्रपतिको सचिवालयले जनाएको छ ।
राष्ट्रपति पौडेलले निर्वाचित भए लगत्तै आफूले कुनै समारोहमा सहभागी हुन जाँदा जनतालाई सास्ती हुने गरी नजाने प्रतिबद्धता जनाएका थिए ।
