काठमाडौं, फागुन ३ : अख्तियार दुरुपयोग अनुसन्धान आयोगका आयुक्त राजनारायण पाठकलाई महाअभियोग लगाउने तयारी भइरहेका बेला पाठकले भने राजीनामा दिएका छन् ।
नेपाल इन्जिनियरिङ कलेजको विवाद मिलाई दिने भन्दै घुस लिएको कुरा सार्वजनिक भएपछि अख्तियार दुरुपयोग अनुसन्धान आयोगका आयुक्त पाठकले राजीनामा दिएका हुन् ।
उनले आज शुक्रबार राष्ट्रपति कार्यालयमा राजीनामा पत्र बुझाएका छन् । राजीनामा स्वीकृत भए नभएको भने यो समाचार तयार गर्दासम्म थाहा हुन सकेको छैन ।
राष्ट्रपति कार्यालयको विशेष स्रोतका अनुसार उनले शुक्रबार ११ बजेर ४७ मिनेट जाँदा राष्ट्रपति कार्यालयमा आफ्नो राजीनामा दर्ता गराएका हुन्। उनको राजिनामा पत्रको दर्ता नम्बर ११४७ रहेको बताइएको छ।
