काठमाडौं मंसिर,२१ : गत साताको चार दिनसम्म निरन्तर बढेको सुनको मुल्य आज आईतबारभने तोलामा दुई सय रुपैयाँले घटेको छ ।
शुक्रबार ९२ हजार ९ सय रुपैयाँमा कारोबार भएको सुनको मूल्य आईतबार ९२ हजार ७ सय रुपैयाँ रहेको नेपाल सुन चाँदी व्यवसायी महासंघले जनाएको छ । आजका लागि महासंघले तेजाबी सुनको प्रतितोला मूल्य ९२ हजार ४ सय ५० रुपैयाँ तोकेको छ । चाँदीको भाउ भने प्रतितोला १ हजार २सय १० रुपैयाँ रहेको छ ।
मंसिर महिना बिहेको महिना भएकाकारण बजारमा सुनको बिक्री निकै राम्रो भएको व्यवसायीहरुले बताएका छन् । मंसिर लागेसंगै दैनिक झण्डै ३० किलो भन्दाबढीको सुनको ब्यापार रहेको महासंघको भनाई छ ।
