पोखरा, फागुन २२ : अवैध रुपमा हातहतियार बोकेर हिडेको अवस्थामा चार जनालाई प्रहरीले पक्राउ गरेको छ ।
पक्राउ पर्नेमा रुपा गाउँपालिका–७ तालबेशी र तिलखोरियाबाट ५५ वर्षीय नारायणबहादुर गुरुङ, ४८ वर्षीय दिलबहादुर गुरुङ, ४५ वर्षीय सुरेश गुरुङ र ५४ वर्षीय मनबहादुर थापा मगर रहेका छन् ।
उनीहलाई पाँच थान हतियारसहित पक्राउ गरिएको जिल्ला प्रहरी कार्यालय, कास्कीले जनाएको छ ।
उनीहरुको साथबाट भरुवा बन्दुक तीन, बोर राइफल लेन्ससहित एक र बोर राइफल (सर्ट गन) एक गरी पाँच थान हतियार बरामद भएको प्रहरी नायब उपरीक्षक रवीन्द्रमान गुरुङले जानकारी गराए ।
कास्कीको रुपा गाउँपालिका–७ तालबेशी तथा सौर्यवासका विभिन्न स्थानबाट उनीहरुलाई पक्राउ गरिएको हो । उनीमाथि जिल्ला अदालतबाट म्याद थप गरी आवश्यक कारवाही शुरु गरिएको छ ।
